Newsletter

 Soubestre

Que souy badut au païs de  Soubestre
Hens lous aubas, lous cassous et lous berns
Aci qu’ey berd, mey qu’enloc, lou campestre
L’arriu-mayou que yumpe lous moès bers…

Qu’ét mas amous bilaydes en sémière
Qui p’apérat Arget ou Cabidos
A Loubignè, France qu’a la termière
Dab lous toupis lou Biarn qu’ey a Garos !

Aciu Gascougne en dab lou Rey de France
Aciu lou Biarn dab lou Rey Nabarrés…
Dous dus coustats lou mé co qué-s balance
Toutu qu’es sab, en Biarn, u qué bau très…

Més coum l’arrague au miey de las brioles,
D’Arraziguet aus terrès de Lounçou
Que maridam, cantes sayes ou holles
L’esprit Biarnés dab l’arridé Gascou.

Henric qu’anabe au pais de Soubestre
Hens lous aubas l’amou que s’estuyè…
Et qu’a’ tirat u trait de sa balestre
Ta desbelha Jane de Rebelhè…

Aci lou lu qu’é court, aciu la Seyne
Lou briu d’amou qu’a semblat estarit
O Jane si n’es pas estade reyne
N’ayméra pas coum tu la dé Paris…

Dab las cansous dou Tauzi de Nabalhes
Nousté-dame  d’Arzacq goardat toustem
Aquet parsan oun canten las cigalhes
Ta qu’ety bisquiam en pats e qu’ey cantem

Que souy badut au pays de Soubestre
De mas amous aquiu qué m’agradey
Ta you qu’ey mey que tout lou mé campestre
Si plats a Diu, aquiu qu’em mourirey.


                                Alexis Arette (de Momas)
                                Abriu 1975

Salùt à tu Arzac


Repic
Salùt  à tu Arzac  

Salùt biélhe  citat !

O tu qui as sabut goardà la renoumade
De boune umou, d’entento e d’hospitalitat
Tu  qui representos tan de causes aymades
Cantèn  dap  co (bis
Hils de Tursà ( bis )
Cantèn nouste plasén parsà !

Qu’ aymi lou tou cluché qui puntéye t’au cèu
E lou tan beroy soû dé las tùos campanes
Qu’aymi la bére place entourade d’arcèus
Tan pla  ounbrejade dequéth réng de platanes
Que t’aymi tu, gran Marcadiu
Lous sés d’estiu, tan agradiu
Qu’aymi l’abienude de la route de Pau
Qui semble l’entrade de quàuque grane bile
Que t’aymi bielhs quartiès
P'ous anciens hèyts atàu
Arridens e gauyous, cantou e bache bile.